ဟံလင်းမြို့ ရေပူရေအေးတွင်း ကနေပြီး ကျွန်တော်တို့ ဟံလင်းမြို့ဟောင်း ရဲ့ရှေးခောတ် သင်္ချိုင်း တူးဖော်တွေ့ရှိတဲ့နေရာကိုလည်း သွားရောက်ခဲ့ပါတယ်။ အဲဒီ သင်္ချိုင်းမှာ အရိုးစု အများအပြား နှင့် အိုးများကိုလည်း တွေ့ရှိရပါတယ် အဲဒီအရိုးစုတွေတည်ရှိနေတဲ့ မြေ အနိမ့်အမြင့်ကို လိုက်ပြီး ခောတ်ကို တွက်ချက်တယ်လို့ ထိုအရိုးစု သင်္ချိုင်းကို စောင့်တဲ့ သူတစ်ဦးမှပြောပါတယ် ။ သမိုင်းအသေးစိတ်ကို တော့ ကျွန်တော်မတင်ပြတတ်ပါ သိလည်းမသိပါ ဗဟုသုတ အနေဖြင့်သာ ဖြော်ပခြင်းဖြစ်ပါတယ်
နောက်ပြီး ကျွန်တော်တို့ ဟာ ရှေးဟောင်း ပစ္စည်းများသိမ်းဆည်းထားရာ ဘုန်းကြီးကျောင်းသို့ သွားရောက်ခဲ့ပါတယ်။ကျောင်းထိုင်ဘုန်းကြီးကို ဦးချ ပြီး ကြည့်ခွင့်တောင်းခဲ့ပါတယ်။ရှေးဟောင်းပစ္စည်းများကို ဆရာတော် မှ လိုက်ပြီး ပြသပါတယ်။ကျောက်ခောတ်အသုံးအဆောင်များ၊မြေအိုးများ၊နားထောင်းများ၊ကျောက်လက်ကောက်ကွင်းများ၊ ငွေနားထောင်းများ ၊ လည်ဆွဲများ နှင့် ငွေပြားများကိုလည်း တွေ့ရပါတယ်
နောက်ဆုံးအနေနဲ့ ဟံလင်းမြို့ဟောင်းနဲ့ မနီးမဝေး ရွာတစ်မှာ ရှိတဲ့ ဆရာတော်တစ်ပါးရဲ့ ကျောက်ဖြစ်သွားသော ရုပ်ကလပ်ကို လည်း သွားရောက် ဖူးမျှော်ခဲ့ပါတယ် ၊ ထိုဆရာတော်ဘုရားကြီးဟာ ပျံလွန်တော်မူပြီး မိနစ်ပိုင်း အတွင်းမှာ ရုပ်အလောင်း ဟာ ကျောက်ဖြစ်သွားတယ် လို့ သိရပါတယ်။ အခုအောက်မှာ မြင်နေရတဲ့ ဆရာတော် ဘုရားရဲ့ ရုပ်ကလပ်ဟာ ရွှေချမှာ ဖြစ်တဲ့ အတွက် စစ်စေး သုတ်ထားတဲ့ အတွက်ကြောင့် အမဲရောင်ပေါက်နေခြင်းဖြစ်ပါတယ်
ဆရာတော်ဘုရားရဲ့ရုပ်ကလပ်တော်ကို ဝတ်ချကန်တော့ပြီး ကျွန်တော်တို့ဟာ ရွှေဘိုမြို့ကို ပြန်လို့လာခဲ့တော့ပါတယ်။ ကျွန်တော်စာရေးဆရာတစ်ယောက်မဟုတ်တဲ့အတွက် အမှားပါရင် ခွင့်လွတ်ပြီးဖတ်စေချင်ပါတယ်။
အားလုံးကို လေးစားလျက် ပေါက်ငယ်
No comments:
Post a Comment